Kinondena ng Bayan Muna Partylist ang anila’y “walang pusong” pagtataas ng presyo ng mga produktong petrolyo sa tatlong magkakasunod na Martes sa pagsisimula ng taon.
Nag-rali sa tapat ng isang gasolinahan ang mga kasapi ng Bayan Muna ngayong Lunes ng umaga sa bisperas ng napipintong paggalaw ng mga presyo.
Ayon kay dating, “pagpapatuloy ito ng walang-awang atake sa mga motorista’t mananakay” na lalong nabibigatan sa sunod-sunod na pagtaas.
“Wala talagang patawad ang mga kompanya ng langis. Unang buwan pa lang ng taon, puro taas singil na agad. These oil companies are showing their true colors – profit over people,” ani Zarate.
Ipinunto pa ng progresibong mambabatas na kasabay tumaas ang mga bayarin sa kuryente, tubig, pamasahe sa LRT at kontribusyon ng mga miyembro ng Social Security System.
“This is a perfect storm of price increases hitting consumers who haven’t even recovered from holiday expenses,” ani Zarate sa wikang Ingles.
Ipinabatid ng Kagawan sa Enerhiya na maaring muling magtaas ang presyo ng krudo ng mula P2.60 hanggang P2.80 kada litro, ang gasolina mula P1.60 hanggang P1.80 per liter at gaas mula P2.30 hanggang P2.50 bukas, Martes.
“’Kala mo naman nalulugi ang mga kumpanya nila na bilyon-bilyon naman ang kinikita. These companies are posting billions in profits while ordinary Filipinos struggle to make ends meet,” pagpupuyos ni Zarate.
Nanawagan ang beteranong mambabatas ng agarang pagkilos ng pamahalaan sa pamamagitan ng pagtatanggal ng value added tax sa mga produktong petrolyo at kuryente upang mabawasan ang kanilang mga presyo.
“The government must also fast-track the implementation of oil price unbundling guidelines with proper public consultation. But to address the root cause of these merciless oil price hikes the oil industry must be nationalized and regulated,” aniya.
Dagdag ni Zarate: “The supposed production cuts in the global market shouldn’t be an excuse for these excessive increases. The government must step in to protect consumers from these predatory practices.” # (Raymund B.Villanueva)
