[AMIHAN] Reaksyon kaugnay sa bagong DA secretary Francisco Tiu Laurel Jr. – updates from the peasant movement of the Philippines

“Para sa amin, walang magbabago dahil political debt lang ito si Marcos Jr. sa tulong na ibinigay sa kanya ng bagong agriculture secretary. Kung si Marcos Jr. nga na presidente ng bansa at dating kalihim ng departamentong ito ay hindi naresolba ang krisis sa agrikultura at pagkain, ngayon pa, na ang ipinalit ang isang oligarkiya. Kaya mas lalong aasa lang sa importasyon at walang plano para palakasin ang lokal na produksyon. Dapat malaman ng mamamayang Pilipino kung sino at anong bakgrawnd ng bagong kalihim at para saan ba talaga ang departamentong ito. Tiyak ang isusulong niyang interest ay para sa negosyo nila. Napaka-kongkreto ng conflict of interest para dito.

Panawagan namin sa mga magsasaka at mamamayan na magkaisa at expose ang mga ganitong mga pakana ni Marcos Jr. at kasabwat niyang mga oligarkiya para sa interes nila, at tuluy-tuloy na isigaw ang tunay na solusyong tunay na reporma sa lupa at pagpapalakas sa lokal na produksyon, hindi importasyon. Sa gitna ng krisis sa pagkain na kinakaharap ng bansa, mas higit ang pangangailangan ng mamamayang pilipino na magkaisa at demand ang accountability ng gubyerno.”