Ni Rowie Madula, PhD
Hindi ko kilala si Alyssa Alano na mag-aaral ng agham pampolitika sa UP Diliman
Hindi ko kilala si RJ Ledesma na ilang taon nang nagsusulat tungkol sa pakikibaka ng mga magsasaka
Hindi ko kilala si Mau Santuyo na naging bahagi ng NNARA-Youth na minsang nagdala sa amin sa isang komunidad sa Batangas para alamin ang kanilang paghihirap at kalagayan (bago pa ako maging kabataang aktibista)
Hindi ko kilala si Errol Wendel ng Unyon ng Manggagawa sa Agrikultura na isang organisador at mananaliksik
Hindi ko kilala ang iba pang biktima ng masaker sa Toboso, Negros Occidental.
Pero kilala ko sila.
Sila ay ako, ikaw, tayo na naghahangad ng pagbabago sa lipunang ito.
