PRWC » Brutal nga Pagpatay Kay Jose “Jojo” Albores Jr, Ginakondenar sang NPA

April 18, 2023


Mabaskog nga ginakondenar sang Leonardo Panaligan Command-New People’s Army ang brutal nga pagpatay kay Jose “Jojo” Albores Jr, 32 anyos, may asawa, 1 ka bata kag mangunguma sang sityo Upper Tiyos Quinten Remo, Moises Padilla, Negros Occidental alas 5:00 sang aga sa ila kaugalingon nga puluy-an.

Sandig sa pagpangusisa sang LPC-NPA, aga pa nagpanaug si Albores sa ila balay para magpreparar sang iya inugbaligya nga tabako sa Brgy Alingasaw, Moises Padilla gulpi lang ini nga ginpa-arakan sang isa ka platun nga naga-operasyon nga tropa sang 62nd IB nga nagapalibot sa ila balay. Patay ang biktima kag naghatag sang kakugmat sa iya asawa, bata kag mga residente malapit sa ila nahamtangan.

Damlag pa Abril 8, 2023 si Jose “Jojo” Albores Jr ang nag-upod kag nagwitness sang ginpablotter ni Jeffrey kag Jessel Gella sa PNP-Moises Padilla matapos nga ginransak ang ila balay ni Jeffrey, gingapos kag ginkastigo sila nga duha (Jeffrey kag Jessel Gella) sang tropa sang 62nd IB sa ila puluy-an sadtong Abril 7, 2023 alas 8:00 sang aga.

Kabutigan ang ginapalapnag sang tropa militar sa lugar nga may natabo nga engkwentro sa tunga sang NPA kag nasambit nga pasistang tropa kag naigo sang bala si Jojo. Ang matuod desperado ang 62nd IB sa pagpangita sa presenya sang NPA sa lugar. Wala sang NPA sa lugar kag makita sang mga pumuluyo ang masobra 150 ka tropa sang 62nd IB nga naga-operasyon sa tri-boundary sang Guihulngan, Canlaon kag Moises Padilla ilabe na sa mga sityo sang Tiyos, Tibubong, Tapas tanan sang Brgy Quinten Remo kag mga sityo sang Subo, Agogolo, Tubod kag proper Macagahay tanan sakop sang Brgy Macagahay, Moises Padilla, Negros Occidental.

Hublasan ang mga kabutigan kag pakana sang pasista, bayaran, berdugo kag desperadong 62nd IB. NPA kag pumuluyo mag-isa kag ilunsar ang inaway banwa tubtob sa lubos nga kadalag-an!



Source link

PRWC

News and information about the Communist Party of the Philippines (CPP), the New People's Army (NPA), and the Philippine revolution.

Don't Miss

Love means fighting back

This article was originally published in easternvista.net on February 6,

Iran Urges Halt to US Arms Transfers to Israel

On Thursday, Iran’s Chief of General Staff of the Armed