PRWC
Ginadayaw sang Leonardo Panaligan Command-New People’s Army ang madinalag-on nga partisan operation sang NPA sa pagsilot-kamatayon kay Jorge Javier sang sityo Guibawan, Brgy Bucalan, Canlaon City alas 3:30 sang hapon, Abril 16, 2023.
Si Javier isa sa mga masupog nga Intel Asset sang 62nd IB sa Brgy Budlasan nga nagapaniktik sa hulag sang NPA kag bug-os nga rebolusyonaryong kahublagan sa lugar. Katapo sang Barangay Intelligence Network sa lugar kag regular nga nagareport sa Canlaon PNP station kag Brgy Budlasan Army Detachment. Masupog man ini nga nagapangtukod sang mga lokal nga PNP kag military assets sa mga kasikbit nga baryo sang Brgy Bucalan kag Budlasan sa Canlaon. Paagi sa iya mga report, wala untat ang pagperwisyo kag pagbayolar sang tawhanon nga kinamatarung ilabe na ang brutal nga pagpamatay sa mga mangunguma sa tri-boundary sang Guihulngan, Canlaon kag Vallehermoso bangud sang intense military operations sang berdugong 62nd IB. Nadumduman, ginmasaker sang 62nd IB ang puluy-an sang pamilya Jacolbe sa sityo Banderahan, Guihulngan sadtong Hulyo 2022 diin patay si Cristina Jacolbe, Day Care Worker, Everly Kee Jacolbe, 16 yrs old, anak ni Cristina kag Rodan Montero, mangunguma. Brutal man nga ginpatay sang nasambit nga tropa militar si Victor Baldonado sang Nobyembre 2022 kag ginpatay man sang militar si Orlando Fat sadtong Enero 2023 sang amo gihapon nga lugar.
Nakumpiska sa posesyon ni Jorge Javier ang 1-colt .45 caliber with serial number 445101, 2 ka magasin kag mga bala. Nakumpiskar man ang BIN Identification Card (ID) as Confidential Agent with source code number U6223MDBLF18III1974A032013. Si Jorge Javier ang legitimate military target sang NPA.
Ilunsar ang taktikal nga opensiba kag ihatag ang nagakaigo nga hustisya para sa masa!
