Naglab-ot sa 150-200 ka tropa sa 5-8 ka kolum sang pasistang 62nd IB ang nakapakat sa mga banwa kag syudad sakop sang Central Negros sugod sadtong November 21 tubtob subong nga adlaw November 27, 2023. Ginapangsaka-saka ang mga kabalayan kag gina-imbestigar kaangot sa mga presensya sang NPA. Pilit nga ginapa-ako ang mga residente.
November 21-22, 2023—3 ka kolum sang berdugong 62nd IB ang dungan nga naglusob sa sityo sang Banderahan, Amumuyong kag Cambaogon tanan sang Barangay Trinidad, Guihulngan City.
Kadungan man sini may mga kolum man sang militar nga makita sa mga Barangay sang Calupaan kag Hilaitan tanan sakop man sang Guihulngan City, Negros Oriental.
November 23—may mga kolum man sang berdugong militar sa sityo Mampayao, Barangay Malangsa, sityo mapun-as sang Barangay Guba kag Barangay Molobolo tanan sang Vallehermoso, Negros Oriental.
November 24-27, 2023—daw idu-buang ang mga militar nga naglusob sa mga Barangay sang Basak, Tacpao, Bulado kag Binubuhan tanan sang syudad sang Guihulngan. Nagatiner sila sa mga eskwelahan kag mga kabalayan.
November 27 nagatiner ang mga katapo sang 62nd IB sa Barangay Hall sang Barangay Mansalanao, La Castellana, Negros Occidental. Ginlusob man sang nasambit nga berdugong tropa ang sityo Paho sang nasambit nga baryo.
Nagtuga ini sang mahadlok sa mga residents kag Nagaperwisyo sa ila malinongnga pagpangabuhi.
