Altermidya
Napilitang itigil ang mobile journalism workshop na inilunsad ng CEGP-Central Luzon sa pakikipagtulungan sa Altermidya Network kahapon, July 22, dahil sa pagbabanta ng dalawang nagpakilalang sundalo sa Angeles, Pampanga.
Nagsasagawa ng workshop ang mga estudyante mula sa ibat ibang paaralan sa Central Luzon nang may dalawang hindi unipormadong lalaki ang sumilip na nagpakilalang pulis para raw makiinom ng tubig.
Kalaunan, kinausap nila ang namamahala sa venue, nagpakilalang sundalo at ipinakita ang litrato ng isa sa mga kalahok, si Kleng Mendiola, ang CEGP-CL coordinator. Sinabi sa staff ng venue na si Kleng ay aktibista at kung maaari ay kuhanan ng litrato ang mga kasama sa aktibidad. Nang hindi pumayag ang staff ng venue, nagbanta sila bago umalis na susundan na lamang nila si Kleng pagtapos ng programa.
Dahil sa banta, nagdesisyon ang organizers na pansamantalang itigil ang workshop para sa seguridad ng mga kalahok.
Mariing kinukundena ng Altermidya ang ganitong harassment at surveillance sa mga kasapi ng campus publication.
