PRWC » 2 Patay, 2 Pilason sa 62nd IB sa Vallehermoso

March 16, 2023


Patay ang 2 kag 2 pa samaron sa mga katapo sang 62nd IB sang ginharas kag ginpalukpan sang 2 ka grenade rifle sang Leonardo Panaligan Command-New People’s Army ang bag-ong gintukod nga army detachment sa Brgy Malangsa proper sa Vallehermoso, Negros Oriental kagab-i alas 7:30, Marso 15, 2023. Samtang hilway naman nga naka-atras ang mga katapo sang NPA matapos nga nagpinalupok ang nasambit nga tropa militar nga wala sang direksyon.

Ang 62nd IB ang madugay na nga ginareklamo sang pumuluyo. Pilit nga ginapatrabaho ang mga residente sang Brgy Malangsa ilabe na ang malapit nga sityo nga wala sang nagakaigo nga bayad. Kadam-an man sa ila ang ginapasibangdan nga mga supporter sang NPA, ginapahug kag pilit ginapasurender. Ang presenya sang militar sa ila ugar ang dako nga nagaperwisyo sa ila pagpangabuhi, imbes nga ipanguma sang mga magunguma sa ila kaugalingon nga luna para makaprodukto sa pihak sang grabe nga kapigaduhon kag kagutom bangud sang kawad-on sa duta, kulang sa pangabuhian, nubo nga sweldo sa kampo kag naga-atubang pa sa problema sang implasyon, mahal nga mga balaklon tuga sang pagtaas sang presyo sang gasolina kag krudo, pilit pa sila nga ginapatawag sang militar sa libre nga pagdagyaw sa paghimo sang ila kampo militar.

Padayon nga mag-isa ang pumuluyo! Manindugan para sa tawhanon nga kinamatarung kag demokratikong interes!

Sa mga yunit sang NPA, lig-on nga itib-ong kag isulong ang armadong paghimakas! Ilunsar ang inaway banwa tubtob sa kadalag-an!



Source link

PRWC

News and information about the Communist Party of the Philippines (CPP), the New People's Army (NPA), and the Philippine revolution.

Don't Miss

PRWC » Pinakamataas na pagpupugay at mapulang pagsaludo ng mga Sorsoganon para kina kasamang Benito at Wilma Tiamzon

Sa ika-50 taong anibersaryo ng pagkakatatag ng National Democratic Front

UN Chief Condemns Attack on Peacekeepers in Mali | News

Stephane Dujarric, the spokesman for António Guterres, the Secretary General