PRWC » 250 ka Tropa sang Berdugong 62nd IB Nakapakat sa Larangan Gerilya

December 20, 2023


Napulo na kaadlaw nga naga-operasyon ang pasistang 62nd IB sa sakop sang larangan gerilya sa Central Negros halin sadtong Disyembre 9-Disyembre 19, 2023.

Matapos sang brutal nga pagtiro patay kay Braulio “Bunny” Tubalado sang berdugong 62nd IB sa Sityo Karanawan, Barangay Amontay, Binalbagan, Negros Occidental sadtong Disyembre 6, para hinabunan ang palpak kag illegal nga operasyon militar sa lugar, sugod Disyembre 9 ginpwesto sang 62nd IB ang ila mga berdugong tropa sa sityo sang Sunflower, Barangay Santol, Binalbagan kag Sityo Tambo, Barangay Amontay tanan sang Binalbagan. Pilit nga ginpabakwit sang militar ang halos 15 ka bubong sa Sityo Karanawan sadtong Disyembre 9.

Ginteniran ang simbahan sa Barangay Santol kag covered court sa Sityo Tambo kag barangay hall sang Barangay Amontay sadtong Disyembre 15. Disyembre 16, may kolum man sang pasistang militar sa Sityo Mansalab kag Inapugan tanan sang Barangay Santol kag mentinado nga nagatiner ini nga tropa sa sityo sang Tambo, Nabilog kag Barangay Amuntay proper. Tubtob subong Disyembre 19, gatusan nga tropa militar ang ara makita sa amo nga mga sityo. Samtang may kolum man sang militar sa Sityo Cabudburan, Barangay Santol, Binalbagan.

Disyembre 16 sang gab-i, may 37 man ka tropa sang pasistang 62nd IB sa mga sityo sang Kambairan, Amumuyong kag Banderahan, tanan sang Barangay Trinidad, Guihulngan City, Negros Oriental. Tubtob subong Disyembre 19, padayon nga nagatiner ang nasambit berdugong tropa sa mga kabalayan sa nasambit man nga mga lugar.

Diyembre 18 tubtob 19 kapin sa 30 ka tropa sang mersenaryong 62nd IB ang naga-operasyon sa Sityo Linggahub, Barangay Sag-ang, La Castellana, Negros Occidental. Pilit nga ginapangsaka ang mga kabalayan.



Source link

PRWC

News and information about the Communist Party of the Philippines (CPP), the New People's Army (NPA), and the Philippine revolution.

Don't Miss

PRWC » Masaker sa mga Mangunguma sa Moises Padilla, Ginakondenar sang NPA

Mabaskog nga ginakondenar sang Leonardo Panaligan Command-New People’s Army ang

PRWC » Gunitain ang Mayo Uno na may higit na determinasyong ipaglaban ang interes ng uring manggagawa at buong bayan

  May 1, 2023 | Bilang pampulitikang partido at taliba