PRWC » 5 Patay sa AFP sa Serye sang Engkwentro sa Binukid sang Moises Padilla kag Guihulngan City

May 26, 2023


Una nga ginpalukpan sang Leonardo Panaligan Command-New People’s Army ang nagahara-hara nga pasistang 62nd IB sa tuyo nga pag-raid sa nagapahuway nga tropa sang NPA sa isa ka balay sang pamilya Ramirez gikan sa malawig nga pagpanglakaton sadtong Mayo 20, 2023 pasado alas 5:00 sang kaagahon sa sityo Napiluan, Barangay Quinten Remo, Moises Padilla, Negros Occidental. Resulta, 4 ang KIA sa tropa sang 62nd IB. Suno sa mga saksi nga pumuluyo sa lugar, gin-agi ang 4 ka mga bangkay sang pasistang tropa sa sityo Brgy Sebukawan proper, Isabela.

Samtang pilason si Alvin Bayno (Ka DAGGER), 20 anyos sang sityo Caliban, Brgy Banog-banog, Isabela, Negros Occidental kag wala na sang ikasarang magbato apang desperado nga ginpatay sang mapintas nga tropa militar sandig sa polisiya sini nga “wala dakpon nga buhi sa NPA.” Desperado man nga ginmasaker sang militar ang mag-asawa nga sanday Juliven Ramirez, 23 anyos kag Evelyn Meren, 31 anyos lunsay mga mangunguma sang sityo Napiluan Brgy Quinten Remo. Pilason man si Ruben Obidas, 49 anyos, manunguma sang sityo Nakuruhan, Brgy Quinten Remo, Moises Padilla. Si Ruben naigo sang bala gikan sa patarasak nga pagpaniro sang nasambit nga tropa militar kag hungod nga ginpatay sang militar si Obidas. Samtang si Julwar Loviano (Ka RYAN) 18 anyos sang sityo Halog, Brgy Sandayao, Guihulngan nangin kaswalti man sang NPA sa ika-3 na nga hugna sang inaway samtang naga-atras.

Sa lain pa nga engkwentro sa sityo Amumuyong, Brgy Trinidad, Guihulngan las 5:00 sang kaagahon sa tunga sang NPA kag 16th Scout Ranger sa amo gihapon nga petsa Mayo 20, 2023, KIA ang isa ka katapo sang Scout Ranger samtang KIA man si Cristito Nelles Jr (Ka Cris), 27 anyos sang sityo Amumuyong Brgy Trinidad, Guihulngan City. Killed in action (KIA) man si Rolly Benero (Ka MARNIE), 22 anyos sang sityo Cambairan, Brgy Trinidad, Guihulngan. Samtang brutal naman nga ginpatay sang militar ang mag-amay nga sanday Antonio Babor, 77 kag Jurielen Babor, 27 anyos kag mga mangunguma sang nasambit nga lugar. Desperado nga gintamnan sang militar sang mga armas luthang ang mga biktima nga pamilya Babor para hinabunan ang palpak sini nga operasyon sa pagdugmok sa NPA sa Central Negros.

Padayon kag Isulong ang armadong paghimakas! Mabuhay ang mga rebolusyonaryong martir! Kamo ang amon inspirasyon upod sa malapad nga masang gina-alagaran!



Source link

PRWC

News and information about the Communist Party of the Philippines (CPP), the New People's Army (NPA), and the Philippine revolution.

Don't Miss

SONA 2022 Promise Tracker – VERA Files

In his inaugural State of the Nation Address (SONA) a

Call to End Sanctions as Quakes Shake Turkey and Syria – International League of Peoples’ Struggle

ILPS extends militant solidarity to earthquake-impacted peoples (February 22, 2023)