PRWC
Ginkalipay sang bug-os nga rebolusyonaryong pwersa sa Central Negros ang unanimous decision sang Rebolusyonaryong Korte sang Pumuluyo sa pagpatuman sang silot-kamatayon kay Danny Boy Bartolome paagi sa yunit sang Leonardo Panaligan Command-New People’s Army (LPC-NPA) sadtong Abril 11, 2024 alas 7:00 sang gab-i sa Sityo Paho, Barangay Camandag, La Castellana, Negros Occidental matapos ang pag-istorya kag pagpatuman sang “destiero” ukon pagpalayas sa lugar kay Bartolome sadtong Disyembre 2023.
Humalin pa sa bulan sang Marso-Nobyembre 2023, indi na magnubo sa lima lang ka beses nga gin-istorya kag ginpaandaman sang NPA si Bartolome upod sa iya pamilya angot sa iya ginahimo nga pagpaniktik sa hulag sang NPA kag bug-os nga rebolusyonaryong kahublagan sa lugar. Sadtong Disyembre 2023, ginpatuman sang NPA ang desisyon nga pagplayas sa iya sa lugar. Nakumpiska ang duha ka Smartfone nga nagapamatuod sa iya mga kontra-rebolusyon nga mga lihok. Apang, pabilin nga ginahimutig ni Bartolome kag wala gid ini nagtuman sa paggwa sa lugar. Sa baylo, labi pa nga nagsupog sa iya kontra-rebolusyon nga gawi kabaylo sang mga pasalig nga kantidad sang kwarta gikan sa 62nd IB. Padayon nga nagapaniktik sa hulag sang NPA kag regular nga nagareport sa 62nd IB Charlie Company Headquarters nga nahamtang sa Barangay 6, Moises Padilla, Negros Occidental.
Ang LPC-NPA lubos gid nga nagapanawagan sa tanan nga may mga salabton nga kaso sa rebolusyonaryong kahublagan. Indi pagsundon ang kaangay nga mga lihok ni Danny Boy Bartolome kabaylo sang pagpanginto kag mga pasalig sang pasistang militar. Paninguha-an nga magsumiter sang inyo kaugalingon sa pinakamalapit nga yunit sang CPP-NPA sa inyo mga lugar kag seryoso nga atubangon ang inyo mga kaso.
Ang malaba nga kamot sang rebolusyonaryong hustisya, anuman oras kag bisan diin man ang magapamatbat kag magasukot sang nagakaigo nga silot katumbas sa kabug-aton sang kaso nga inyo nakomiter paagi sa matuod kag solo nga hangaway sang banwa nga New People’s Army.###
