PRWC » Ilegal nga Pag-aresto sa Mag-asawa nga Montefalcon sa Canlaon, Ginakondenar sang NPA

April 16, 2023


Mabaskog nga ginakondenar sang Leonardo Panaligan Command-New People’s Army ang ilegal nga pag-aresto sang pasistang tropa sang 62nd IB sa mag-asawa nga sanday Jerry Montefalcon, 49 anyos kag Maricel Alper, lunsay mga mangunguma, sibilyan kag may 7 ka kabataan sa sityo Natuling, Brgy Budlasan, Canlaon sadtong Abril 15, 2023 las 4:00 sang kaagahon. Ginlusob ang ila puluy-an nga wala sang search warrant kag wala man sang warrant of arrest nga ginpresentar ang nasambit nga tropa militar. Wala man sila ginpahangup sang ila kinamatarung kag pilit lamang nga gindala sang desperadong tropa ang mag-asawa sa Canlaon PNP station.

Si Jerry Montefalcon ang biktima sang redtagging sang AFP, PNP kag NTF-Elcac sang nasambit nga syudad sadtong tuig 2018 matapos ang Oplan Sauron 1 sang Disyembre 2018. Abril 2022 ginlusob man sang kumbinado nga pwersa sang 62nd IB kag SAF-PNP ang puluy-an sang mag-asawa kag gintamnan sang 38 revolber, mga bala kag grenade rifle. Ina nga panahon wala si Jerry sa ila puluy-an kay nagakarga-tapas sa kampo sang tubo. Sadtong Agosto 2022 rason nga napilitan si Jerry nga boluntaryo nagpalapit sa Canlaon PNP station sa pagklaro sang iya status bilang mangunguma kag sibilyan. Gilayon nagbalik siya sa lugar upod sa iya pamilya sa pagpanguma.

Wala sa roster sang NPA si Jerry Montefalcon. Madugay na nga nagapanguma si Montefalcon sa lugar taliwas sang pagpasibangud sang desperadong 62nd IB sa nasambit nga biktima.

Daw mapaos na ang tagtaghol sang 303rd Bde PA sa pagpanawagan kag pagpanginto sa pagpasurender sa mga sibilyan. Ini ang eskima sang AFP, PNP kag NTF-Elcac nga himuon gatasan ang mga inosenteng sibilyan kag mangunguma sa lapnagon nga korapsyon sa hanay sang mga matag-as nga opisyal sang state forces kag local government units. Ang natabo kay Jerry Montefalcon kag Maricel Alper ang manipestasyon sang pagpatalang kag korapsyon sang desperadong militar.

Padayon nga hublasan ang mga kontra-pumuluyo nga pakana sang berdugong militar! Hustisya sa mga biktima sa pagbayolar sang tawhanon nga kinamatarung!

NPA kag pumuluyo mag-isa! ilunsar ang lapnagon nga taktikal nga opensiba sa larangang gerilya batok sa pasistang kaaway!



Source link

PRWC

News and information about the Communist Party of the Philippines (CPP), the New People's Army (NPA), and the Philippine revolution.

Don't Miss

WVSU CAT 2024 SETS RECORD WITH MORE THAN 20K ENTRANCE EXAM TAKERS; STUDENTS CALL FOR GREATER BUDGET TO EDUCATION AMID TEST LEAKAGE

ILOILO CITY – More than 20,000 senior high school students

Ang Bayan » Ika-50 anibersaryo ng NDFP, ipinagdiwang sa Central Negros

Dalawang araw ipinagdiwang nga Bagong Hukbong Bayan-Leonardo Panaligan Command sa