Lapnagon kag Masingki nga Militarisasyon sa Central Negros, Ginakondenar sang NPA

March 18, 2023

Mabaskog nga ginakondenar sang Leonardo Panaligan Command-New People’s Army ang lapnagon kag masingki nga militarisasyon sa mga kaumahan sang Central Negros gikan pa sadtong Pebrero 12-Marso 17, 2023 sang kumbinado nga pasistang tropa sang 62nd IB, 94th IB kag PNP nga naga-operasyon. Padayon nga nagabayolar sang tawhanon nga kinamatarung, pila ka mga kasugtanan sa gyera kag CARHRIHL. Muklat nga ginalapas sang mga berdugo kag pasistang AFP kag PNP ang demokratiko kag tawhanon nga kinamatarung sang mga sibilyan. Ginasaka ang mga puluy-an kag ginapahug ang mga sibilyan sa tion sang kagab-ihon, ginapasibangdan nga supporter sang NPA kag pilit ginapsurender. Ang mga Brgy Hall, IP’s meeting Hall kag mga eskwelahan ang ginahimo nga kampo militar.

Lubos man ginakondenar sang LPC-NPA ang illegal nga pag-aresto sang 62nd IB kay Ricky Elod kagab-ihon sang Marso 17, 2023 sa sityo Caliban, Brgy Makilignit, Isabela, Negros Occidental. Si Elod mangunguma, may asawa kag 2 ka kabataan, ang ginkuha sang militar sa ila puluy-an kagab-i kag tubtob subong wala pa mahibal-an kon diin gindala sang nasambit nga tropa. Subong man ang pagransak sang balay ni JR Apao sa sityo Binil-iwan, Brgy Calupaan, Guihulngan City, kagab-i Marso 17, alas 10:30. Mahamuok nga nagakatulog si JR upod sa iya asawa kag mga kabataan sang namukaw ang 62nd IB nga naga-operasyon sa nasambit nga puluy-an. Pilit nga dal-on sang militar si JR agud maggiya sa ila operasyon. Ginsabat ni JR nga “indi ko mag-upod sir kay gab-i na kag wala upod ang akon asawa kag mga kabataan.” Sabat sang militar, “Indi ka mag-upod sa amon pero kon NPA ang mag-ayo sa imo upod ka man dayon.” Gilayon kumand sang CO sang nasambit nga tropa nga “ransakon ang bilog nga balay.” Natrauma ang mga kabataan kag asawa sang nakita sini nga gina-ukay ang ila puluy-an. Ginhambalan pa sang militar nga “balikan ka diri namon kon maka-engkentro kami.”

Nagapakita lang nga desperado ang 62nd IB sa pagpangita sa presenya sang NPA sa lugar bangud sang kahalitan nga ila naagum sa mga opensiba sang NPA ilabe na sang natabo nga pagharas sang NPA sa bag-o g gintukod nga army detachment sa Brgy Malangsa, Vallehermoso. Nadumduman 2 patay kag 2 pilason sa berdugong 62nd IB sadtong Marso 15, 2023.

Ginapanawagan sa tanan nga yunit sang NPA idalum sa LPC nga padayon nga maglunsar sang taktikal nga opensiba. Silotan ang pasistang tropa militar kag ihatag ang hustisya sa ila mga nabiktima.

Source link

PRWC

News and information about the Communist Party of the Philippines (CPP), the New People's Army (NPA), and the Philippine revolution.

Don't Miss

53 mamamahayag, patay sa Israeli siege sa Gaza

Ito na umano ang deadliest na buwan para sa mga

Global Action Needed to Reduce Plastic Pollution: Guterres

On Monday, the Secretary-General of the United Nations, António Guterres,