PRWC
Isa ka sibilyan ang gindakop sg mga katapo sang 94th IB sa Sitio Dangalon, Barangay Hilamunan, Kabankalan city. Ginreport sa mga residente sa nasambit nga lugar ang pagdakop sa isa ka sibilyan kag mangunguma nga si Allan Ramos, soltero, residente sa amo nga lugar.
Gindakop si Ramos matapos nagpatarasak sg pagpalupok ang mga katapo sg 94thIB sa balay sa mag-utod nga sanday Tisoy kag Allan Ramos kahapon pasado alas 5 sg hapon Mayo 11. Nagdinalagan ang duha ka mag-utod kag ang iban pa nila nga mga katupad balay bangud sa tuman nga kahadlok.
Suno sa mga residente, nakita na nila si Allan nga gindakop sang mga militar kag tubtob subong wala pa nahibaluan kon diin.
Subong padayon gihapon nga nagapanghalit ang tropa sg 94thIB sa mga sibilyan sa amo nga sitio kag mga katambi sini halin pa sg ligad semana.
