PRWC
Isang yunit ng Bagong Hukbong Bayan sa Bicol ang nakapagtapos ng pag-aaral sa Batayang Kurso ng Partido (BKP) noong Hulyo sa gitna ng operasyong kombat ng militar. Ang kurso ay ibinigay sa mga bagong Pulang mandirigma at sa mga kasaping nagbalik-aral. Para umangkop sa militarisasyon, isinagawa ito sa istagard na pamamaraan.
Inilunsad nila ang pag-aaral para pagtibayin ang pundasyon sa ideolohiya ng mga kasapi ng Partido at mga bagong Pulang mandirigma. Anila, patunay ang pagdaraos ng pag-aaral na walang makahahadlang sa rebolusyonaryong pagkatuto. Nagpataas ito ng moral at napatibay sa kahandaan ng mga Pulang mandirigma sa sakripisyo at kahirapan.
