Madalas bang sumasakit o nangangalay ang kamay at pulsuhan? Dahil ‘yan sa paulit-ulit o pattern ng galaw ng kamay na posibleng dahil sa trabaho, gawaing bahay o kaya madalas na paggamit ng cellphone o computer.
Narito ang ilan sa mga hand at wrist stretching exercises na maaaring gawin sa magkabilang kamay para ma-relax at makaiwas sa injury.
Wrist extension – Iunat ang braso nang mas mababa sa balikat habang nakaharap pababa ang palad. I-extend ang kamay pataas. Maaaring gamitin ang kabilang kamay sa pag-extend nang marahan. Maghintay ng 3-5 segundo bago bitawan at ulitin muli. Pagkatapos ng tatlong beses, itihaya naman ang palad at i-extend pababa. Ulitin lang ang proseso.
![](https://pinoyweekly.org/wp-content/uploads/2024/01/wextension.png)
Wrist flexion – Iunat ang braso nang mas mababa sa balikat habang ang palad ay sa baba nakaharap. I-extend ang kamay pababa. Maaaring gamitin ang kabilang kamay sa pag-extend nang marahan. Maghintay ng 3-5 segundo bago bitawan at ulitin muli. Pagkatapos ng tatlong beses, itihaya naman ang palad at i-extend pataas. Ulitin lang ang proseso.
![](https://pinoyweekly.org/wp-content/uploads/2024/01/wflexion.png)
Praying position – Simulan sa pagdidikit ng mga palad at siko. Habang magkadikit ang palad, dahan-dahang ibaba ang kamay hanggang bewang o pag naramdaman na ang stretch. I-stretch nang 10 segundo. Gawin nang limang beses.
![](https://pinoyweekly.org/wp-content/uploads/2024/01/prayp.png)
Finger Webbing – Ibuka ang bawat pagitan ng mga daliri sa tulong ng mga daliri sa kabilang kamay. I-stretch ang bawat isa nang dalawang segundo bago bitawan.
![](https://pinoyweekly.org/wp-content/uploads/2024/01/fwebbing.png)
Finger Lift – Ilapat ang kamay sa patag na mesa, dahan-dahang iangat isa-isa ang mga daliri. Pwede ring sabay-sabay na iangat at dahan-dahang ibaba. Ulitin nang 8 hanggang 12 na beses sa magkabilang kamay.
![](https://pinoyweekly.org/wp-content/uploads/2024/01/flift.png)
Squeeze – Kumuha ng sponge, stress ball o kahit anong malambot na bagay na sakto sa laki ng kamay. Pisilin ang gamit at magbilang ng 10 segundo bago ibuka ang kamay. Ulitin ang proseso nang 10 beses.
![](https://pinoyweekly.org/wp-content/uploads/2024/01/squeeze.png)
Paalalang dahan-dahang gawin ang bawat extend at stretch dahil bulnerable sa injury ang mga ugat at joints sa pulsuhan.
Maaari itong gawin araw-araw habang ipinapahinga ang mga kamay sa mga gawain. Hindi ito tatagal ng isang oras kaya’t puwedeng isingit sa busy na iskedyul.