PRWC » Intel Asset, Rapist kag Marijuana Pusher sa Guihulngan City, Ginsilotan sang NPA

May 31, 2023


Madinalag-on nga ginsilotan kamatayon sang Leonardo Panaligan Command-New People’s Army (LPC-NPA) si Eduardo Balansag, 47 anyos,sadtong Mayo 20, 2023 sa Brgy Calupaan, Guihulngan City, Negros Oriental sa kaso nga one count rape sa Canlaon City, one count attempted rape kag grave threat sa iya mga nabiktima. Intel asset man sang militar si Balansag kag masupog nga pusher sang marijuana sa lugar nga nagaguba sang paminsaron kag puturo sang mga pamatan-on. Si Balansag ang protektado sang militar sa iya kontra-sosyal nga gawi. Pangayaw siya sa lugar kag tumandok sang Canlaon City. Nagabalhin-balhin siya sang iya ginapuy-an bangud sang iya kaso nga gina-atubang, samtang wala naman ginadakop sang mga kapulisan kag AFP. Si Balansag ang nagahupot sang illegal nga armas-luthang. Nakumpiska sa iya posesyon ang isa ka .357 revolber, mga bala kag dokumento nga may valuable Intel informations.

Ang mga dokumento nga nakumpiska kay Balansag ang nagapamatuod sa mga kapulisan kag katapo sang militar nga sila tunay nga protektor sang mga kontra-sosyal nga gawi kag mga kontra-rebolusyon, mga kriminal kag malain nga mga elemento sa binukid sang Central Negros.

Padayon nga nagapanawagan ang LPC-NPA nga indi pagsundon ang mga kontra-sosyal nga gawi ni Balansag. Indi man magpa-into sa militar kag mga kapulisan sa mga pasalig nila sa inyo. Ang NPA indi gid mag-untat sa paglagas sa inyo sa pagpangita sang hustisya sa inyo mga nabiktima.
Post navigation



Source link

PRWC

News and information about the Communist Party of the Philippines (CPP), the New People's Army (NPA), and the Philippine revolution.

Don't Miss

PRWC » Bongabong 3, victims of AFP modus operandi

Youth activists Job Abednego David, Peter del Monte and Alia

PRWC » (Photos) Pagdiriwang ng ika-55 anibersaryo ng Partido sa Southern Tagalog

PRWC » (Photos) Pagdiriwang ng ika-55 anibersaryo ng Partido sa